Mertsjpektakel 2019

De Mert | Zjwame

Geine entree!

't Zjwamer Mertsjpektakel

In 't kórt...

't Zjwamer Mertsjpektakel is ein aopelóchfestiviteit, die al vanaaf 2006 neet meer weg te dinke is binne de Zjwamer vastelaovindj! De organizasie van 't Mertsjpektakel verzorgt same mit de Zjwamer Mertkasteleins - 't Kesjotje, De Mert, De Geitesjtal en De Plevuus - op vastelaoveszónjig ein fantasties programma mit de crème de la crème oet de Limburgse artiestesjtal. Gein polsbendjes of entree, mer gezelligheid op zien Zjwaams!

 

Wie 't begós...

Veur gaon truuk nao 2005. Ein aantal Zjwamer men woor 't zat det d'r te weinig te doon woor op vastelaoveszónjig in 't dörp. Mit dees ónvreje es motivasie, kwome ziej op 't idee óm get te gaon organizere oppe Zjwamer Mert.

Mit Wiek Doezen en Sjra Puts veurop waerde 't Mertsjpektakel gebaore, ónger de werktitel 't-Groot-waem-zag-d'r-det-hiej-op-vastelaoveszónjigmiddig-nieks-te-doon-is-sjpektakel. Eine get lange naam, dus äöpende op zónjig 26 fibberwarie 2006 Joeks- én hoeskapel 'Aan Dae Reem' 't eerste Zjwamer Mertsjpektakel!

 

En toen verder...

Naodet 't eerste jaor es zeer gesjlaagd waerde bevónje door alle betrokke partieje, waerde besjlaote óm ein vervolg te gaeve aan 't Mertsjpektakel. D'r waerde eine entoesiaste groep vriejwilligers gevormp die de kèr móste gaon trèkke.

In samewirking mit de kefees aan de Mert waerde 't Mertsjpektakel oetgebouwd toet ein festiviteit, die veur väöl vastelaovesvierders oet Zjwame en ómsjtreke vas in de agenda sjteit mit de vastelaovindj.

 

Vandaag de daag...

Veur moge truukkieke op 13 gesjlaagde edisies van 't Mertsjpektakel, mit 't 11-jäörig jubelejum in 2016 es hoogtepuntj! Mer eigelik is edere keer bezónjer op zien eige meneer. Jaor nao jaor kómme d'r weer meer luuj op vastelaoveszónjig nao de Mert in Zjwame, mit altied ein gevarieerd programma en ein heel gezellige sfeer.

Veur zeen dich den ouch gaer op vastelaoveszónjig 3 meert 2019!

De Mert

Zjwame

3 meert 2019

13.30 – 18.00 oer

Vrieje toegank

2500 plaatse

In samewirking mit

de Mertkasteleins

Joekskapel Aan Dae Reem

Joekskapel 'Aan dae Reem' is de aajste joekskapel van ós dörp. 't Is eine groep muzikante dae (natuurlik) plezeer haet in 't make van meziek en det ouch regelmaotig duit, door de ganse provinsie en ouch in 't boetelandj.

Opgerich in augustus 1978 vanoet de Zjwamer Zjumklub 'Eszet'. Jaorliks waerde d'r eine feesaovindj veur de mitwèrkers, es dank veur häör insjpanninge. Tiedes de feesaovindj in '78 óntbrook 't aan laif meziek. Ómdet d'r, behalve gooj zjwummers, ouch ein aantal muzikante aanwezig wore, waerde 't idee opgevat óm ein gelaegenheidsorkesje te formere. 't Waerde eine zeer gezellige aovindj en de fundamente veur 'Aan Dae Reem' wore gelag.

De kapel bleek gein eindaagsvleeg te zin. Mit de neudige porsie doorzittingsvermoge en oere oefene, kóste al gauw de eerste eige sjtökke waere gesjpeeld. Inmiddels höbbe ziej ein vaste plaats ingenaome tösse de diverse Zjwamer meziekvereniginge. Ziej zin vanaaf de eerste edisie de hoeskapel van 't Mertsjpektakel en in 2018 viere ziej häör 40-jäörig jubelejum!

Online

sait

..........

..........

..........

..........

..........

..........

..........

# Arties Sait Tied
Joekskapel Aan Dae Reemonline13:30 – 14:00
..........14:00 – 14:30
..........14:30 – 15:00
..........15:00 – 15:30
..........15:30 – 16:00
..........16:00 – 16:30
..........16:30 – 17:00
..........17:00 – 17:30

Ózze sjponzers

MarlstoneVan HoutumLindeboomBoekhandel Van HeijsterKesjotjeSimons SteigerbouwPurple GroupFloristravelRED SecurityGlashandel Peter CuijpersDe PlevuusDe Mert

3 meert 2019

De Mert
Zjwame