Mertsjpektakel 2018

De Mert | Zjwame

Geine entree!

't Zjwamer Mertsjpektakel

In 't kórt...

't Zjwamer Mertsjpektakel is ein aopelóchfestiviteit, die al vanaaf 2006 neet meer weg te dinke is binne de Zjwamer vastelaovindj! De organizasie van 't Mertsjpektakel verzorgt same mit de georganizeerde Mertkasteleins - 't Kesjotje, De Plevuus en De Mert - edere vastelaoveszónjig ein fantasties programma mit de crème de la crème oet de Limburgse artiestesjtal. Gein polsbendjes of entree, mer gezelligheid op zien Zjwaams!

 

Wie 't begós...

Veur gaon truuk nao 2005. Ein aantal Zjwamer men woor 't zat det d'r te weinig te doon woor op vastelaoveszónjig in 't dörp. Mit dees ónvreje es motivasie, kwome ziej op 't idee óm get te gaon organizere oppe Zjwamer Mert. Mit Wiek Doezen en Sjra Puts veurop waerde 't Mertsjpektakel gebaore, ónger de werktitel 't-Groot-waem-zag-d'r-det-hiej-op-vastelaoveszónjigmiddig-nieks-te-doon-is-sjpektakel. Eine get lange naam, dus äöpende op zónjig 26 fibberwarie 2006 Joeks- én hoeskapel 'Aan Dae Reem' 't eerste Zjwamer Mertsjpektakel!

 

En toen verder...

Naodet 't eerste jaor es zeer gesjlaagd waerde bevónje door alle betrokke partieje, waerde besjlaote óm ein vervolg te gaeve aan 't Mertsjpektakel. D'r waerde eine entoesiaste groep vriejwilligers gevormp die de kèr móste gaon trèkke. In samewirking mit de Mertkasteleins waerde 't Mertsjpektakel oetgebouwd toet ein festiviteit, die veur väöl vastelaovesvierders oet Zjwame en ómsjtreke vas in de agenda sjteit mit de vastelaovindj.

 

Vandaag de daag...

Veur moge truukkieke op 12 gesjlaagde edisies van 't Mertsjpektakel, mit 't 11-jäörig jubelejum in 2016 es hoogtepuntj! Eder jaor kómme d'r weer meer luuj op vastelaoveszónjig nao de Mert in Zjwame. Ouch 't 13e Mertsjpektakel waert ein fees óm nao oet te kieke, mit ein sjoon programma en de altied gezellige sfeer. Veur zeen DICH weer heel gaer, dus toet 11 fibberwarie!

De Mert

Zjwame

11 fibberwarie 2018

13.30 – 18.00 oer

Vrieje toegank

2500 plaatse

In samewirking mit

de Mertkasteleins

Ózze sjponzers

Purple GroupFloristravelVan HoutumSimons SteigerbouwGlashandel Peter CuijpersLindeboomMarlstoneKesjotjeDe MertRED SecurityDe PlevuusBoekhandel Van Heijster

11 fibberwarie 2018

De Mert
Zjwame